الشعرهيض وغيض وأبداع وأحساس=حصيلـة التفكيـر قـدح القريحـه
حصيلة التفكير من فـوق قرطـاس=ولا من الراس أستمعهـا صريحـه
وأنا طرقة الشعر من عدة أجنـاس=اختار جزل القول واتـرك قبيحـه
أختار فالجـزلات والنـاس نعـاس=والنـوم للمرتـاح والمستريـحـه
يا ما تعبت الهن ولا أريـاق يبـاس=أتعب مابـي المترديـه والنطيحـه
وطبيت في غبات الأمواج غطـاس=والحمـد لله مـا نجيـب الشحيحـه
أنظم بيـوتٍ كنهـا عقـد الألمـاس=وفي زينهـا مثـل الفتـاه المليحـه
للي ببوها تفتخـر طيـب السـاس=الأصـل اصيلـه والقبيلـه مديحـه
ونكان ما توقف شعر كـل حسـاس=ويشـوش والا ينتخيلـه بصيـحـه
عقبنـي الفنجـال والنـاس جـلاس=ويحرم علـى الشعـر والله يبيحـه
شوارد الأفكار عـن كـل عسـاس=كم واحدٍ تسمـع وراهـن فحيحـه
جني وطاعن لي على كل مـرواس=وطوعتهن في المدح والا النصيحـه
في مدح من فعله شجاعه ونومـاس=يومن بعض الناس فعلـه فضيحـه
ضيف الله الي واقفته ترفع الـراس=فعله ولا فعـل النفـوس الشفيحـه
في غرفة التخدير قـدام الأمـواس=ضحى بعضون من عضاه الصحيحه
مادقبه خـوفٍ ولا جـاه وسـواس=والناس تصلخ مثل صلـخ الذبيحـه
قرامـةٍ تعنـز علـى قـوة البـاس=هذي الشجاعه والشجاعـه مريحـه
هذا الكرم هذا الوفاء لأقرب النـاس=ومن لا فعل مثلك عسى الله يزيحـه
ولا هي كثيره منك وأقول لا بـاس=لبوك جعـل أيـام عمـره سميحـه
وختامها جمله ومن بيـن الأقـواس=تسلـم ولا تسلـم وجيهـن قميحـه

الموضوع الأصلي: محياء المرشدي || الكاتب: الذرب || المصدر: شمل الغبيات

المصدر: منتدي الغبيات الرسمى - من قسم: شعراء قبيلة الغبيات