القصايـدمـن الـبـارح فـخـر وأحتـفـال(=)فـي خفوقـي هبوبـن تلـفـح وتستـديـر
قلت أبأكتب عن الي صار سبق ومقال(=)والمقـال انتشـر عـيـا يـجـي بالأخـيـر
بس اطالع علـى مكشـات ياهـو خيـال (=)فرحـة النـاس بالفزعـات ياهـو مثـيـر
سلمو لي على الشجعـان تـاج الرجـال(=)اربعه من عيال العمرو والوضع غيـر
يوم وقفت على الصملـه ولابـه مجـال(=)بانـت المرجلـه والوضـع جـداً خطـيـر
قامـو أبوانـهـم ينـخـون ويــن العـيـال(=)وأستمـاتـو ودم الفـخـر جـالـه هـديــر
سلمولي على النخوه وضـرب المحـال(=)للبطـل صالـح المنصـور ولــد الأمـيـر
وأنـت ياعـادل المنصـور فعلـك مـثـال(=)يـوم شفـت الغريـق يمـد كفـه حسـيـر
ذب شايب مـن العمـرو بصوتـه وقـال(=)الحـقـو ياعيـالـي لا يـمــوت البـشـيـر
حبتيـنـن عـلـى راس المـراجـل ثـقـال(=)وحبتينـن علـى خشمـه وقــدره كبـيـر
ثم تناخـو عيـال عبـد العزيـز السجـال(=)بينـهـم وجـدعــو بثيـابـهـم للمـصـيـر
طـب عمروبنفسـه حــي راع السـبـال(=)يكفي أنـك أخـو صالـح دليـل الضريـر
سلمولي علـى العمـرو بـدون ارتجـال(=)وصلـو لـه سلامـي عبـر مـوج الأثيـر
اشهد أن القصيم رجـال موقـف وحـال(=)فيهم النخوه اشبـه فـي هديـر الجريـر
سلمولـي عليـهـم عــد مالـحـزم ســال(=)وعد وبـل السحايـب فالزمـان المطيـر
فخـرنـا لاد عـلــي سـطــوة الأنـفـعـال(=)يافيـاض الحيـا لأشتـد وهــج الهجـيـر
يابيـارق ركايـب حـلـم راحــت شـمـال(=)تقطـع البيـد فــي تغريـبـة المستخـيـر
سلمولـي علـى العقيـلات عـد الـرمـال(=)مفخرة غربة الصحراء وخـزم البعيـر
للقـوافـل حـــداوي تستـثـيـر الـجـبـال(=)تستحـث السهـل مستعجـلـه بالمسـيـر
فوقهـا الاد عـلـي يحفـهـم كــم ســؤال(=)والأجـابـه فتـيـل البـنـدق المستـطـيـر
والسـواعـد شكيـمـه شـدهـا الأنفـتـال(=)تجبـر الحـال وترتـب جـروح الكسـيـر
لا يــزال الـسـفـر بعـروقـهـم لايـــزال(=)حتـى لـو كـان واحدهـم برتبـة وزيــر
البـطـولـه وسمعـتـهـا علـيـكـم حـــلال(=)سجلـت للقصيـم وليتـنـي بــه خشـيـر

الموضوع الأصلي: ابطال القصيم لاد علي || الكاتب: نواف الردعي || المصدر: شمل الغبيات

المصدر: منتدي الغبيات الرسمى - من قسم: شعراء قبيلة الغبيات