الشعر يشهدبه على طيب الأفعال =فعل الرجال اليوم كل(ن) حكابه
إليا شفت بيت (ن) للمسايير مدهال =تراه بيت العز ماصك بابه
شباب نار(ن)وزانها اليوم بدلال = واليا نصاه الضيف يامرحبابه
تلقى تراحيب بها يطرب البال =تلقى حلو علوم والطيب جابه
قالو معزي قلت ياخير رجال =حقق علوم الطيب بأول شبابه
تلقى ابن صايل على خير منزال= فى منزل ينصاه كل القرابه
خفيف نفس وزانه حلو الاقبال=من ساس جد ولانهبها نهابه
هذا وأنا طرقي على الدرب رحال =ولا قلت غير الصدق مابه طلابه
ألاد غابي ربعتي عند الاهوال = الي لهم بالعلم قدر ومهابه
واليا كتبت وقلت من حلو الأقوال = كل(ن) معه كتاب يقرا كتابه

الموضوع الأصلي: قالو معزي قلت ياخير رجال || الكاتب: واثق || المصدر: شمل الغبيات

المصدر: منتدي الغبيات الرسمى - من قسم: شعراء قبيلة الغبيات