ردعان في المجلس صناديد وفهـود = والروح في وجه العدو يرخصونـه
اخوان سوده يوم طـارد ومطـرود = يـوم القبايـل رزقهـم ينهبـونـه
يوم السرب مابين حاوي ومـردود = والمال في ظلـم الجهـل يسلبونـه
الى عثة شهب الرمك غالي الـذود = صبحا عليهم شيب الـراس كونـه
وتبارزوا مابيـن ظاهـد ومظهـود = وكل قلب وجهه علـى غيـر لونـه
ودخن عسام الجو عجـن وبـارود = والنـذل جبـن والبطـل ينتخونـه
وحول ثقيل الرجل في تالـي القـود = المعترض في ارض الوغى يتبعونه
والظفر ابو غلاب يضرب على الكود = سبع الغدارى يقصـر العلـم دونـه
تفكها الردعان مـن كـل ممـرود = كم فارس مـن دونهـا يطرحونـه
يوم الرخوم وقوف ووجوههم سـود = اخوين والبـوش العفـر يحتمونـه
حرام مايوخذ من البـوش مفـرود = والى اوخذ مـن جارهـم يلحقونـه
وعندي على ذللك براهين وشهـود = غصبا على الي فعلهـم يجحدونـة
هذا صحيح وعند الابطـال موجـود = والا الثعالب ماء البحـر يشربونـه

الموضوع الأصلي: قصيدة فتاة الوشم في الردعان من قبيلة الغبيات || الكاتب: هـآآآوي || المصدر: شمل الغبيات

المصدر: منتدي الغبيات الرسمى - من قسم: شعراء قبيلة الغبيات